కాంగ్రెస్‌ పార్టీలో రాజకీయ మంతనాలు ఎమ్మెల్సీ,చీఫ్ విప్ పట్నం మహేందర్ రెడ్డి,మాజీ ఎమ్మెల్యే నారాయణ రావుతో భేటీ

వికారాబాద్ జిల్లా బషీరాబాద్ మండలలో కాంగ్రెస్‌ పార్టీ ముఖ్య నాయకులతో,మాజీ ఎమ్మెల్యే నారాయణ రావుతో ఎమ్మెల్సీ,చీఫ్ విప్ పట్నం మహేందర్ రెడ్డి భేటీ అయ్యారు. తాండూరు నియోజకవర్గంలోని చోటుచేసుకుంటున్న రాజకీయ పరిణామాలు స్థానికంగా చర్చనీయాంశంగా మారాయి.ఇటీవల సీనియర్ నాయకుల సమావేశం జరగడం, తాజాగా ఎమ్మెల్సీ, ప్రభుత్వ చీఫ్ విప్ పట్నం మహేందర్ రెడ్డి పర్యటనతో పాటు మాజీ ఎమ్మెల్యే నారాయణరావుతో భేటీ జరగడం రాజకీయ ప్రాధాన్యం సంతరించుకుంది. వరుసగా చోటుచేసుకుంటున్న ఈ పరిణామాలు కాంగ్రెస్ పార్టీలో నాయకుల మధ్య సమన్వయం,స్థానిక రాజకీయ పరిస్థితులపై ఆసక్తిని పెంచుతున్నాయి.సీనియర్ నాయకుల సమావేశం అనంతరం చోటుచేసుకున్న ఈ భేటీలు పార్టీ శ్రేణుల్లో చర్చకు దారితీశాయి. స్థానికంగా పార్టీ బలోపేతం, నాయకుల మధ్య సమన్వయం, భవిష్యత్ కార్యాచరణ వంటి అంశాలపై చర్చలు జరిగి ఉండవచ్చనే అభిప్రాయాలు వ్యక్తమవుతున్నాయి.అయితే సమావేశాల్లో చర్చించిన అంశాలపై అధికారిక సమాచారం వెలువడాల్సి ఉంది.తాండూరు నియోజకవర్గంలో కాంగ్రెస్ పార్టీ రాజకీయ సమీకరణాలు, నాయకుల మధ్య ఐక్యత ప్రస్తుతం ప్రాధాన్యం సంతరించుకున్నాయి.ఈ నేపథ్యంలో పట్నం మహేందర్ రెడ్డి పర్యటన,మాజీ ఎమ్మెల్యే నారాయణ రావుతో భేటీ ఎలాంటి పరిణామాలకు దారితీస్తాయన్న ఆసక్తి రాజకీయ వర్గాల్లో నెలకొంది. అయితే ఈ సమావేశాల వెనుక ఉన్న అసలు ఉద్దేశాలు,తదుపరి కార్యాచరణపై సంబంధిత నాయకుల ప్రకటన వెలువడితేనే పూర్తి స్పష్టత వచ్చే అవకాశం ఉంటుందని విశ్లేషకులు అనుమానం వ్యక్తం చేస్తున్నారు.